Hindi Nakakatuwa Ang Snow
Ginising ako ng nanay ko bandang alas-8 ng umaga. May misyon daw kaming dapat gawin. Akala ko kung ano, magpapala pala kami ng yelo.
Noong lumabas ako ng bahay, nagulat ako. Grabe ang regalo ni 2004 sa amin. Sabi ng nanay ko galit na raw ang Diyos kaya raw abnormal ang panahon ngayon.
Hanggang tuhod ang yelo sa lugar namin; medyo huli na noong napansin ko ang malalaking trak na nag-aalis ng yelo sa pangunahing daan. Yung CRV namin, nakakaawa, parang tinubuan ng tigdas dahil sa ilalim ng snow eh may mga malalaking yelong nanigas na sa ibabaw ng kotse. Pinala namin yung daanan sa labas, hanggang sa makarating kami sa backlane para alisin ang yelo sa bandang gulong ng sasakyan. Aalis yata sina nanay mamaya para bumili ng prutas.
Hindi ko alam kung kailan pa ito matutunaw. Buti nga wala kaming pasok, pero paano na sa susunod na linggo? Tiyak mahihirapan kaming lahat. Yung tatay ko mahihirapan ding magmaneho dahil kapag nawala na yung gabundok na snow eh nakadikit naman sa kalye yung yelong madulas.
Lahat kami nakaramdam ng hapdi pagkatapos naming magpala. Pumasok na kami sa loob ng bahay bago pa kami magkafrostbite. Grabe, pati sipon ko nanigas, parang yelo sa kisame ng kuweba. Hehe.
Angela Solis grew up in the Philippines before moving in to Canada in 2003. She became a Canadian in 2006. Angela is 22 years old and an alumna of University of Manitoba with a degree in Psychology. She has been blogging since 2002. She maintains a 
December 31st, 2004 at 6:53 pm
ang lamig lamig lamig naman siguro dyan!!